Potato Rice Balls with cheese

ভাত আলু চিজ'ৰে পিটিকা ভাতৰ লাৰু
(Potato Rice Balls with cheese)

ৰন্ধন পদ্ধতিঃ

মজলীয়া জোখৰ আলু দুটা আৰু দুকাপ চাউলেৰে কুকাৰত ভাত সিজাই  ল'লো ।

আধা ইঞ্চি জোখৰ আদা ৰুকনিত ৰুকি লৈছোঁ‌,

পিয়াজ এটা মিহিকৈ কুটি লৈছোঁ‌ 

চিলিফ্লেক্স আধাচামুছ (নিদিলেও জুতি হয় বাৰু)

আধাচামুছ মিঠাতেল,

ভাত আৰু  আলুৰে এই গোটেই সামগ্ৰীখিনি  মিহিকৈ পিটিকি লৈছোঁ‌ ।

এতিয়া পিটিকাখিনিৰ সৰু সৰুকৈ ব'ল বনাই  বলটোৰ মাজত চিজ ভৰাই  তেলত গৰম তাৱাত ভাজিলোঁ‌(তেল একেবাৰে বেছিকৈ দিব নালাগে।)

জুই ও মধ্যমীয়াকৈ ল'ব লাগে , যাতে দহি নাযায়।

শেষত গৰমে গৰমে বিলাহী চ’চৰ সৈতে জুতি লওঁক।